Wohrschu!

Von Fritz Ottheinrich.

Up Driewjadg, de Graf Windig höllt,
Is Korl as Driewer angestellt,
As Nahwer driwwt sin Vetter Klas,
Un beiden makt dat hellschen Spaß.
Doch bi de dulle Scheiterie
Dor schütt son Herr Baron vörbi
Un dröppt blots Korl sin Hinnerbacken,
Dat de glieks in dei Knei deiht sacken!
Hei bröllt denn nu gottsjämmerlich
Un will denn wedder rappeln sich,
Doch don röppt Klas, sin kloken Vedder:
„Bliew liggen, Minsch, hei lad’t all wedder!“

Quelle: Heimatleiw un Muddersprak – Greifswald, den 5. Januar 1924